Heldt nullen!

G12: Røldal-Trio Husnes 0-10. Vi har gått frå eitt til to lag i haust, så dette vart andre bortetur til Røldal i haust. Sist gong vart det tap mot eit lag vi meiner vi er betre enn, mest fordi vi fullstendig gløymde forsvarsjobben. Så målet i dag var å halde nullen.

Geir Øystein sine staute 'menn' storma ut av startblokkene og leia med 4 mål før 10 minutt var spelt. Elias og Mohammed viste mykje bra samspel, og vart mata med gode innlegg av Mikal og Noah. Samtidig klarte vi å få midtbanen til å jobbe godt defensivt og hindre gjennomspel til raske spissar. Og med banens beste Andre i slag bak, kontrollerte vi bra. Dog med ein del påminningar frå sidelinja.

0-6 til pause var sterkt. No gjaldt det å halde fokus på forsvarsarbeidet. Det heldt hardt, men særleg Andre og duellsterke Edvard skal ha æra for at vi klarte det. Første målet etter pause var dei flottaste. Dobbelt brødre-veggspel før Abdi dytta den i nota. Lekkert. Så avslutta Noah med ekte hat trick, slik at vi akkurat nådde tosifra.

Det må vi vera strålande nøgd med. Einaste som var skuffa var Edvard, fekk ein smell i venstreneven på tampen. Det skulle helst vore skrivehanda :)

Neste veke er det to heimekampar, mot Rosendal og Odda.

Kampfakta frå Røldal kunstgras

G12: Røldal-Trio Husnes 0-10

0-1 (2min) Elias

0-2 (3min) Mohammed A

0-3 (7 min) Elias

0-4 (9 min) Elias

0-5 (26 min) Mohammed A

0-6 (30 min) Elias

0-7 (41 min) Abdisalan

0-8 (47 min) Noah

0-9 (52 min) Noah

0-10 (57 min) Noah

Trio sitt lag:

Gunnar Eikemo Steine, Andre Nordøy, William Heggøy, Mikal Røssland, Mohammed Aljajan, Noah Smith, Elias Ulbi, Håkon Georg Røssland, Mohammed Zekeriye, Edvard Andre Nessestrand Ingvaldsen, Abdisalan Zekeriye.

- Assistenttrenar Are Ulseth


	Tilbake