Noko naivt før pause

Nord er eit fysisk sterkt lag med mange gode spelarar, men vi serverte dei unødvendig mange overgangar og let oss sjølve bli teke i ubalanse. Det var neppe saknet av kaptein Sjo som gjorde det, men heller at vi spelte mange upresise ballar inn sentralt. Nord utnytta dette og gav oss fire i fleisen i første omgang. Vi klarte å justere litt etter halvtimen og fekk meir tak på det definsive. Framover hadde Benjamin, Sander og Ruben våre beste sjansar. 

4-0 midtvegs var i overkant, men pausepraten gjekk på å sikre at vi korrigerte dette. Og det fungerte mykje betre etter kvilen. Betre kontroll defensivt og færre sjansar i mot. Rett nok eit baklengs på ein tabbe, men elles bra.

Framover skapte vi ein del moglegheiter, men ikkje veldig mange store sjansar. Sander reduserte etter pasning frå Edvin, då han gjekk av ein mann og var kald mot keeper, tunnel sjølvsagt. Sidan hadde Mathias eit par sjansar, og traff i allefall i målet attmed det vi spelte med. Samson hadde eit frispark rett utanfor og Daniel eit skot som streifa vinkelen. Alt i alt ein grei andreomgang, som endte uavgjort. Men det hjelper ikkje når vi gir vekk sigeren før pause.

Ny moglegheit om to veker. Då kjem Haugar på besøk.

1-0 (13 min)

2-0 (21 min)

3-0 (24 min)

4-0 (39 min) 

5-0 (61 min)

5-1 (65 min) Sander Dolonen Brækken

Gult kort: Aref Hosseinizada

Trio sitt lag: 

Aref Hosseinizada - Simen Hellevik Lie (Mathias frå 60), Tarmo Tars, Edvin Vågen Bjørgvik - Sander Dolonen Brækken, Ole Martin Byrknes, Samson Nyrud Uppheim, Daniel Sørtveit (Mohammad Barakzai frå 30 min), Mathias Gjelseng (Yaserullah Tarakhel frå 30 min) - Benjamin Skarveland, Ruben Saug (Daniel frå 60).

-Trenar Are Ulseth