Kretsrekord i kastfemkamp

Ådne Stuland Olsen sette kretsrekord i kastfemkamp for 14-åringar på Husnes på seriestevne onsdag kveld. Ådne har hatt stor framgang etter berre eitt år med trening og har allereie blitt kretsmeister for Hordaland i kule og diskos. Han sette kruna på verket på tampen av sesongen med å sette ny kretsrekord i kastfemkamp som består av slegge, kule, diskos, spyd og vektkast.

Den nye rekorden er på 4122 poeng og er utrekna etter Tyrvingtabellen for friidrettsøvingar som gjer eit snitt på over 800 per øving. Det blir spanande å fylgja Ådne i åra som kjem.

For IL Trio Friidrett,

Arne Torget (meldar og teknikktrenar)

	Resultater seriestemne 18.oktober.


	Tilbake