Tap mot forsterka Haugar lag i sesongavslutninga for J14 |
 | | Tap i årets siste kamp for J14, men imponerande sesong! |
|
| |
J14, 1. divisjon, Trio - Haugar2 0-2 (0-1).
Kampen om 4. plassen i 1. divisjon var venta å bli ein jevn affære. Jevnt blei det forsåvidt, men ein 14 år gammal storscorar frå J16 Elite vart i drøyaste laget for våre jenter å håndtera og jentene måtte til slutt sjå seg slått 0-2 mot laget i blått frå Haugesund. |
| |
 | | Ariana gjorde ein flott innsats mot gode Haugar spissar |
Etter det vi oppfatta som skadeproblemer i Haugar2 laget, kom dei berre med 12 jenter til Husnes. Der vi hentar 13-åringar frå J13, kunne dei imidlertid hente ned Kristina Svandal (14) frå Haugar sitt J16 lag i Elitedivisjon Rogaland. Der har ho som 14-åring scora i snitt 2 mål pr. kamp i år (?!). Så heilt klart ei håndfull for vårt lag, kan du sei. |
| |
 | | Kjekt å ha Ida tilbake etter skade! |
Stortalentet Svandal avgjorde langt på vei kampen i 2. omgang, då ho på ein overgang viste høgt nivå etter å ha fått eit oppspel i beina litt inn på vår halvdel. Ho vender opp, drar av Ariana og deretter Ingeborg i stor fart og sett ballen kontrollert i målet forbi Malene. Klasse! Utover dette klarte vi på imponerande vis å nøytralisera ho og ho fekk ikkje til all verden, dominerte ihvertfall ikkje. |
| |
 | | Malene kunne ikkje gjera noko med måla og leverte ein god kamp igjen! |
Før dette har vi lagt bak oss ein opningsomgang der vi er litt under det nivået vi kan vera på. Litt nølande i forsvar og klareringar som ikkje er kyniske nok. Ein slik blir fanga opp av Haugar då dei går opp til 1-0 før det er gått 10 minutt. Jentene skal ha ros for å gradvis spela seg opp og siste 25 av omgangen er vi vel så gode som Haugar og har og eit par farlige skuddmuligheter ved Emma og Cecilie. |
| |
 | | Sophie (13) viste gode takter på kanten igjen |
Vi har trua i andre omgang heilt til 2-0 kjem på nevnte overgang. Spelemessig er det nokolunde jevnt og vi er nære på ved eit par anledningar. Men ballen spratt ikkje heilt vår vei i dag, i tillegg til at vi var noko upresise i vårt pasningsspel. Litt for mange pasningar føre spelar som burde vore spelt på fot gjorde at vi fekk undødig mange balltap i gode posisjonar. Men, masse ros for å PRØVA å spele slik vi er enige om! |
| |
 | | Leah (12) klarar seg godt på 14-års nivået |
Oppsummert ein fortent seier til Haugar2 på ein dag der vi føler vi hadde litt meir inne. På ein max dag hadde vi tatt poeng her:-) |
| |
Jentene sprang direkte frå banen i garderoben for å gjera seg klar til Halloween filmen på Husnes Kino. Kampen var slutt 19.43 og dei satt i kinosetet 20.00! |
| |
Då er seriespelet over for i år. Jentene har virkelig satt seg i respekt på Haugalandet og har gjort ein formidabel innsats i 1. divisjon både i vår og i haust. Vi trenarane er megaimponert over framgangen dåke har hatt siste 18 månadane og korleis dåke har takla nivået i 1. divisjon. Takk for ei flott reise jenter! |
| |
Vi tar fri i morgen og satser deretter på trening som normalt minimum ut november månad. |
| |
Laget i dag: Malene, June, Ingeborg, Ariana, Aurora, Cecilie, Synna, Linnea, June Marie, Ida Helen, Leah, Astrid, Julie, Emma, Sophie. |
| |
|
| |
|
| |
Kristine, Bjørn og Per Einar:-) |
| |
| |
|
|
|
