Litt juling

G14 gjekk ut i høgt press og stressa oss frå start, og dei fekk tidleg utteljing. Først ved Odin, så ved Daniel, som elles utan tvil var kampens store spelar. Han herja langs høgrevingen og skapte haugevis med gjennombrot. Vi vart pressa langt ned på eigen halvdel og vi klarte ikkje å flytte beina nok og fort nok på midten. Dermed vart alt trykket mot forsvaret vårt og vi kom oss sjeldan ut. Rett nok hadde vi ein kjempesjanse heilt i starten, der Vegar kunne sendt oss i føring. 

Men førsteomgangen vart altså som vi frykta første kampen skulle bli, men kanskje trudde vi var i stand til å unngå denne gongen. G14 trilla mykje ball og vi kom sjeldan oppi. Kjekt elles å sjå G14 sin fokus på å spele seg ut, halde ballen i laget og gjere kvarandre gode. Det gjeld det å halde fast ved også mot sterkare motstand. Eirik la på til 3-0, medan vi fekk letta litt meir på trykket då Mohammed A. kom inn på midten. Han la ned manns jobb og var vår bestemann, forutan ein suverent god Martin i mål.

I andre omgang klarte vi også å kjempe oss litt meir inn i det. Gutane bretta ermene litt ekstra opp og ville meir. Det hjalp nok også på moralen at Sander reduserte tidleg etter eit fint gjennomspel frå Mohammed A. Sander er rask og ein god avsluttar og det skulle vi gjerne fått utnytta meir i kampen. G14 svara med tre nye mål, eitt av Bendik og to av Abdul, som vart stadig vanskelegare å stoppe utover i kampen.

Ny redusering av oss etter ein flott enkeltprestasjon av Mohammed A, som klaska ballen opp i hjørnet frå skrått hald. Odin scora G14 sitt siste på straffe, før vi fann ut at det var siste målet vinn som gjeld. Elias gjorde forarbeidet og Sander prikka inn eit flott langskot. Dermed 3-7 favør dei store. Eit ok resultat, men kampen var ikkje all verda frå vår side. Det var den derimot av G14, som var veldig gode og fort kunne scora mange fleire mål.

På måndag blir det ein anna type kamp, når vi utfordrar kvikke G12 til ny dyst. Så satsar vi på nokre kampar mot G13 Valen før påske. Og når heilagdagane er unnagjort, så er det minsanten seriestart! Våren er i anmarsj!

0-1 (2 minutt) Odin Tofte

0-2 (9 minutt) Daniel Morstad

0-3 (23 minutt) Eirik Sørstrømmen

1-3 (38 minutt) Sander Wang

1-4 (43 minutt) Abdulqadir Mohamed

1-5 (46 minutt) Bendik Aarthun

1-6 (60 minutt) 

3-7 (63 minutt) Sander Wang

Dommar: Are Ulseth

Martin Fjeldstad Smith, Mathias Veastad, André Nordøy, Abdisalan Zekeriye, William Heggøy, Sander Wang, Noah Smith, Brage Ripel Harsvik, Tristan T. Thorsen, Brage Kvandal, Vegar Seljelid Joleik, Elias Ulbi, Mohammed Aljajan, Mohamed Zekeriye.

David Probert, SIshmael Soosainather, Bendik Aarthun,