 | | Onsdag kveld kom første lasta med sand og gummi. Oddmund Røssland lossar big-bagane. |
Den store haugen med pukk var ferdig utlagt på onsdag. Pukklaget har ein storleik på 32- 64 mm . Torsdag startar truleg utlegging av berelaget som har ein korning på 0- 16 mm . Mit ut i neste veke skal berelaget vera ferdig lagt, og i slutten av den veka kjem arbeidslaget som skal asfaltera ut mot murane som går rundt banen.
Oppå berelaget blir det lagt geoduk før kunstgraset vert rulla ut. Kunstgraset kjem i rullar på 4 meter breidde. Det kjem 30 slike rullar. Graset skal rullast ut frå side til side. Kvar rull er om lag 68 meter .
Onsdag kveld kom dei to første trailarane med sand og gummigranulat. Det kjem 8 trailarar til før vi har fått nok sand og gummi. Den fine sanden skal jobbast ned i botn på kunstgraset, om lag 2 cm tjukne. Gummiganulaten leggjast oppå sanden, den og i om lag 2 cm tjukne. Når gummigranulaten er ferdig utlagt, er banen ferdig og kan takast i bruk straks.
Banen er ferdig merka med med kvite strekar for full banestorleik. Det er merka for hjørnene for to 7-ar banar. 7-arbanane skal merkjast med spraymaling.
Medan dette arbeidet pågår, skal Trio setja opp gjerde og byggja tribune.
Offisiell opning vil truleg finna stad søndag 11. juni. Meir om opninga seinare.
- Svein R. | 
