Måtte bli mållaust

Med samtlige 3 målvakter i stallen utilgjengelege og jentekeeperen i eigen konfirmasjon, var rådyra relativt gode. All ære til Helene Eikenes og Luwam Kahsay, som tappert tok ansvar for hanskane i kvar sin omgang. Og begge kom særs solid frå det, godt hjulpe av eit stødig forsvar framfor seg. Nullen var aldri i fare.

Men elles manglar det ikkje på folk. I desse konfirmasjonstider var det også fleire fråver, men likevel hadde vi 16 spelarar til kamp. Kjekt! Vi gjekk også ut og tok tak i kampen frå start. Sofia fyrte av første skotet, men ein stødig Baunekeeper var på plass. Så spelte Christine M gjennom Aria, men ho vart hindra akkurat i siste liten. Og Ida skaut utanfor då ho vart sendt fri på venstre.

Vi såg det var moglegheiter på kantane, der våre vingar hadde meir tempo enn motstandaren sine backar. Men for sjeldan klarte vi å sette opp desse, slik at ein særs stødig Baunekaptein og midtstoppar klarte å springe opp dei fleste tilboda. Dette skulle vi utnytta betre, for utover i omgangen skapte vi stadig mindre. Defensivt hadde vi dog stålkontroll.

0-0 midtvegs og vi snakka om å utnytta kantane våre betre i rom og å risikere noko meir framover. Det fekk vi lite til i andre omgang, som vart særs sjansefattig i begge endar. Einaste underteikna har notert på blokka var eit skot frå Cecilie frå 25 meter.

Baune fekk nokre overgangar i siste halvdel av omgangen, men direkte farleg framom mål vart det aldri. Kampen ebba mållaus ut. Vår beste spelar i dag var Sofia, som i lag med Selma tok godt tak om midtbanen. Kreative Sofia strødde mykje fine pasningar rundt seg. Trekkjer i tillegg fram Cecilie, som blir stadig tryggare på backen. Og i midten bak var Kristine og Christine utilnærmelege.

Neste helg er det bortetur til Sund/Skogsvåg. Då må vi ha mål!

Tilskodarar: Om lag 50

Dommar: Svein Arild Kjærland, Trott

Ingen kort.

Trio sitt lag:
Helene Eikenes, Beate Vimme, Christine Solheim Fjelland, Kristine Enæs Medhaug, Cecilie Håvik, Christine Madsgård, Sofia Televik, Selma Kvalheim, Ida Eikeland Stensletten, Emma Heggøy, Aria Haugsdal, Luwam Kahsay, Mia Høydal, Vilde Eide Rusten, Elisabeth Hansen Eide, Malin Saug.