Målorgie på Stord

Trott er blant dei svakare laga i serien og vi gjekk fyrrig ut og tok kommandoen frå start. Fokus på å bruke kantane og spele oss til innlegg og avslutningar. Men nokre tok litt for ofte den enkle vegen. Allereie tre minutt ut i kampen sette vi inn to kjappe, begge etter duellspel i feltet og begge stang inn. Først ved Mohammed, så ved Elias. Sistnemnte la på til 0-3 på eit dribleraid, før han også var med på det fjerde, då Abdi sette i gong ei kontring. Kjekt å sjå Elias spele fri Abdi igjen, som fullførte løpet sitt. Og rett etter der igjen: 0-5, då Mohammed snappa ein forsvarsglipp.

Vi trenarar fann ut vi måtte ta aksjon og byta i hytt og pine etter beste evne. Spissen som vart degradert til back var ikkje særleg nøgd, men vi har godt av å øve på andre roller når vi treng å jamne ut kampane. Noah kom inn som midtstoppar då vi gav vår faste bauta Andre pause. Noah manglar litt fart, men er fotballklok og trygg med ballen. Med godt blikk for spelet løyste han ei uvant rolle veldig bra, både offensivt og defensivt. Trott fekk ei redusering, før vi varta opp med dagens beste angrep. 

Vi kom rundt på sida, inn til Mathias som la i støtte til William, som smelte ballen i tverrliggjaren. Dermed vart det ståande 1-5 midtvegs. 

Vi heldt fram med å byte for å sikre at alle 13 fekk 2/3 kamp. Trottarane sette inn to tekniske og lynkjappe 12-åringar og dei gjorde vei i vellinga. I løpet av første kvarteret hadde dei redusert tre gonger. Vi vart noko stressa, men var nær scoring då Michael runda på venstrevingen, skar inn og skaut like utanfor lengste hjørnet.

Siste ti minutta gjorde målorigen fullstendig. Trott utlikna til 5-5, før Elias vart frispelt av Michael og sendte oss i ny føring på direkten. Men jubelen hadde ikkje før sett seg. før det sto 6-6. Men vår bestemann i dag, Abdisalan, var ikkje ferdig. Han vann att ballen høgt i banen og tuppa inn nok ei leiing for oss. Tåspark er visst lov! :)

Men like sikkert som at vi tok leiinga var det at Trott svara. 7-7, og siste tre minutta hadde også begge lag to kjempesjansar til å avgjere. Men vi gav oss på det der. Ein artig og spanande kamp, i allefall for dei som er meir glad i angrepsspel enn forsvarsspel.

0-1 (3 minutt) Mohammed Aljajan

0-2 (4 minutt) Elias Ulbi

0-3 (10 minutt) Elias Ulbi

0-4 (14 minutt) Abdisalan Zekeriye

0-5 (14 minutt) Mohammed Aljajan

1-5 (18 minutt)

2-5 (38 minutt)

3-5 (43 minutt) 

4-5 (50 minutt) 

5-5 (60 minutt) 

5-6 (62 minutt) Elias Ulbi

6-6 (63 minutt) 

6-7 (64 minutt) Abdisalan Zekeriye

7-7 (66 minutt) 

Trio sitt lag: 
Martin Fjeldstad Smith, Edvard Andre Nessestrand Ingvaldsen, Andre Nordøy, William Heggøy, Vegar Seljelid Joleik, Abdisalan Zekeriye, Mohammed Aljajan, Brage Kvandal, Elias Ulbi, Mathias Veastad, Håkon Georg Røssland, Noah Smith, Michael Løland.