Slett ikkje gale

Vi starta veldig bra og var det førande laget. Abdi fekk første sjansen, då headinga på Mohammed sitt innlegg krevde at Stordakeeperen måtte ta ut sitt beste for å fiste ballen over tverrliggjaren. Så nokre formidable sjansar etter corner, der Elias fekk den siste og tåa ballen rett utanfor. Abdi og Elias også med gode skot, men keeperen let seg ikkje overliste. Det gjorde heller ikkje Martin, som var i full strekk på eit langskot. 

0-1 kom på ei rask kontring, men vi heldt fram med å skape sjansar og spele godt. Tristan med stor sjanse i feltet, Elias frispelt av Mathias og Mohammed med eit knallskot. Neida, 0-1 midtvegs.

Stord auka tidleg til 0-2, rett etter at Noah hadde sendt Elias gjennom med ei krempasning. Forskjellen på laga var enkelt og greitt at stordingane var kaldare framom mål. Mohammed dundra alle sjansars mor høgt over, og då ikkje eingong den gjekk inn, måtte vi bli mållause i dag. Stord punkterte med tre scoringar siste ti minutta, og dermed vart det heile 0-5. Trass i mykje godt spel av oss.

No kjem denne hersens haustferien, men vi skal spele mykje fotball då. Trening som vanleg og på laurdag kjem Bremnes på besøk til 7arkamp :)

Mål etter 12, 41, 60, 63 og 69 minutt.

Dommar: Hallvar Saghaug

Trio sitt lag: Martin, Fredrik, Michael, Edvard, Vegar, Emil, Abdi, Mathias, Gunnar, Noah, Mohammed, Håkon, Tristan.